သမဝါယမတက္ကသိုလ် (စစ်ကိုင်း) တွင် FNI ၏ အာမခံအကြောင်း ပညာပေးဟောပြောပွဲကျင်းပခဲ့

သမဝါယမတက္ကသိုလ် (စစ်ကိုင်း) တွင် FNI ၏ အာမခံအကြောင်း ပညာပေးဟောပြောပွဲကျင်းပခဲ့

-----------------------------------------------------------------------------------------------------------

ပထမအမျိုးသားအာမခံ (FNI) ၏ အအာမခံအကြောင်း ပညာပေးဟောပြောပွဲကို သမဝါယမတက္ကသိုလ် (စစ်ကိုင်း)၊ ဘွဲ့နှင်းသဘင်ခန်းမ၌ ၂၀၁၈ ခုနှစ်၊ ဒီဇင်ဘာလ၊ ၂၁ ရက်၊ သောကြာနေ့၊ မွန်းလွဲပိုင်းတွင် ကျင်းပခဲ့ပါသည်။

အဆိုပါရှင်းလင်းဆွေးနွေးပွဲကို သမဝါယမတက္ကသိုလ် (စစ်ကိုင်း) ၏ ပါမောက္ခများ၊ သင်ကြားရေးဌာနမှူးများ၊ တာဝန်ခံဆရာ/ ဆရာမများ၊ ကျောင်းသား/ သူများ၊ FNI ၏ မန္တလေးဒေသရုံးတာဝန်ခံ ဦးဝဏ္ဏထွန်း၊ မုံရွာဒေသရုံးတာဝန်ခံ ဦးစိုးလွင်နှင့် FNI ဝန်ထမ်းများ စုံလင်စွာ တက်ရောက်ခဲ့ကြပါသည်။

ရှေးဦးစွာ သမဝါယမတက္ကသိုလ် (စစ်ကိုင်း) ၏ ပါမောက္ခချုပ် ဒေါက်တာမို့မို့ရီက အဖွင့်အမှာစကားပြောကြားခဲ့ပြီး FNI FNI ၏ မုံရွာဒေသရုံးတာဝန်ခံ ဦးစိုးလွင်က အာမခံသမိုင်းကြောင်း၊ FNI သမိုင်းကြောင်းနှင့် FNI တွင် လက်ရှိဝန်ဆောင်မှုပေးလျက်ရှိနေသော အာမခံအမျိုးအစား (၁၈) မျိုးအကြောင်းကို တစ်မျိုးချင်းစီ ရှင်းလင်းဆွေးနွေးခဲ့ပြီး တက်ရောက်လာသူများက သိရှိလိုသည်များကို ဆွေးနွေးမေးမြန်းအကြံပြုခဲ့ကြပြီးနောက် ခင်မင်ရင်းနှီးစွာ စုပေါင်းမှတ်တမ်းဓါတ်ပုံ ရိုက်ကူးခဲ့ကြပါသည်။

FNI အနေဖြင့် ယခုလိုဟောပြောပွဲများမှတစ်ဆင့် နိုင်ငံပိုင်၊ ပုဂ္ဂလိကပိုင် စီးပွားရေးစနစ်ကို ထောက်တိုင်တစ်ခုသဖွယ် ထိန်းမတ်ပေးနိုင်သော အာမခံစနစ်အကြောင်းကို  နားလည်သဘောပေါက်သိရှိကာ အသုံးချလာတတ်စေရန်၊ လူထုလူတန်းစားအလွှာအသီးသီးအတွင်း အာမခံအသိပညာ ဗဟုသုတ စိမ့်ဝင်ပြန့်နှံ့သိရှိစေရန်နှင့် နိုင်ငံပိုင်၊ ပုဂ္ဂလိကပိုင် ပိုင်ဆိုင်မှုပစ္စည်းများ၊ သဘာဝဘေး၊ မတော်တဆဘေးများကြောင့် ထိခိုက်ပျက်စီးမှုများနှင့် လူသားတို့၏ အသက်အန္တရာယ်ဆုံးရှုံးမှုများအား ကာကွယ်ပေးနိုင်ပုံကို ပိုမိုသိရှိနားလည်စေရန် ရည်ရွယ်၍ ယခုလိုအာမခံအကြောင်း ပညာပေးဟောပြောပွဲကို ကျင်းပခဲ့ခြင်းဖြစ်ပါသည်။

သောကကင်းဝေးစိတ်အေးစေနိုင် FNI